FreeOsZoo ou é doado ter varios SO nun PC

O obxectivo de FreeOsZoo é facer realidade o soño de ter varios sistemas operativos nun único computador, todo ilo disposto dun xeito moi doado.

O proxecto foi principiado polo profesor da Universidade de Boloña, Renzo Davoli, sendo continuado agora por Stefano Marinelli.

Como o fai? Como posiblemente xa supoñías, FreeOsZoo fornece imaxes de máquinas virtuais QEMU, prontas para seren empregadas, cun sistema operativo preinstalado. O único que tes que facer é ter instalado QEMU para logo elixir as imaxes que queiras no proxecto FreeOsZoo.

FreeOsZoo pretende achegarse a quen usa sistemas operativos privativos e temen ás alternativas libres (*BSD, *Linux, *Solaris).

FreeOsZoo e maila ampla listaxe de imaxes e as máis recentes anunciadas nesta bitácora. Nos propios paquetes das imaxes van incluidas as instrucións para que comeces a probalas.