Inscríbete a curso para certificación LPIC-1

EGNIX organiza o curso preparatorio para a Certificación Profesional Junior en GNU/Linux LPI (nivel 1) para superar os exames 101 e 102 cos que se acada a certificación oficial. O curso dará comezo a segunda semana de abril e a matrícula pode realizarse en http://formacion.tegnix.com
Prepárate para obter a certificación máis prestixiosa do mundo en Administración de Sistemas GNU/Linux.

Linux en máis do 90% dos top500 supercomputadores

En novembro de 2009 Linux quedaba ás portas de sobrepasar o 90% dos 500 maiores supercomputadores do mundo. Hoxe Linux xa está presente en 455, o que equivale ao 91% na lista dos top500.org agrupados por familia de sistemas operativos (Operating System Family).

Compróbao na imagen da súa evolución ata o pasado mes de novembro.

HTML5 -Comparando navegadores-

Grazas a un enlace deixado por Amador Loureiro puiden acceder a seguinte web: http://html5test.com/ a cal fai un análise sobre as capacidades do navegador web que estas a usar nese intre para a xestión dos novos elementos que introduce a versión 5 de HTML. Eu son principalmente usuario de dous avegadores como son Firefox de Mozilla (o rei :-P ) e Chrome de Google, pero neste caso tamén quero ter enconta ao IE8 de MS.

Para que non haxa distinticións de ningún tipo e dado que IE8 só se pode executar en Windows, vou usar como plataforma para comparar os navegadores citados un Windows7 professional virtualizado sobre VMWare Player nunha Ubuntu 9.10 (x64).

Resultados:

A avaliación faise sobre 160 etiquetas, polo tanto os resultados poden variar desde os 0 puntos (desastre absoluto) ate os 160 (sobresainte).

Mozilla Firefox versión 3.6.3 : alcanza os 101 puntos sobre 160_

  • Por seccións_
    • Doctype: 4/4
    • Canvas: 12/12
    • Video: 25/30 , aquí podemos ollar o feito de que non da soporte ao codec H.264
    • Audio: 20/24
    • Geolocalización: 5/5
    • Storage: 8/8
    • Offline Web Applications: 8/11.
    • Workers: 6/6
    • Section elements: 0/7 , dfiasco absoluto.
    • Goupring content elements: 0/2 , fiasco absoluto.
    • Test-Level semantic element: 0/5 , fiasco de novo.
    • Forms: 1/27 , de novo neste punto a implementación de html5 é moi baixa, por non decir nula.
    • User interaction: 12/19

Chrome de Google versión 4: alcanza os 118 puntos sobre 160_

  • Por seccións_
    • Doctype: 4/4
    • Canvas: 12/12
    • Video: 30/30 , google sí fai uso do codec H.264 -flaco favor lle fai con isto ao futuro da web-
    • Audio: 20/24
    • Geolocalización: 0/5, fiasco absoluto.
    • Storage: 4/8
    • Offline Web Applications: 3/11 , non da soporte as web SQL DataBase.
    • Workers: 6/6
    • Section elements: 7/7
    • Goupring content elements: 2/2 .
    • Test-Level semantic element: : 4/5
    • Forms: 14/27
    • User interaction: 12/19

IE8 de MS : alcanza os 19 puntos sobre 160_

  • Por seccións_
    • Doctype: 4/4
    • Canvas: 0/12 , fiasco absoluto.
    • Video: 0/30 , fiasco absoluto.
    • Audio: 0/24 , fiasco absoluto.
    • Geolocalización: 0/5 , fiasco absoluto.
    • Storage: 8/8
    • Offline Web Applications: 0/11 , fiasco absoluto.
    • Workers: 0/6 , fiasco absoluto.
    • Section elements: 0/7 , fiasco absoluto.
    • Goupring content elements: 0/2 , ffiasco absoluto.
    • Test-Level semantic element: 0/5, fiasco absoluto.
    • Forms: 0/27 , fiasco absoluto.
    • User interaction: 7/19

Vistos os resultados podo concluir que o navegador con mellor interación cos novos elementos que presetna html5 é Chrome de Google, seguido moi de cerca de Firefox, e moi moi pero moi lonxe aparece IE8 de MS.

Se usades outros navegadores e queredes compatir os vosos resultados éstes serán benvidos.

Non uso Android senón LeeDroiD

Un día deume por probar unha derivación de Android. Tiven que rootear o meu teléfono para descubrir novas versións derivadas: Cyanogen(mod), Pinky Desire, NeoPhyTe, AuraxTSense, CoolAceS, CoolSagaS, MIUIEs e agora un LeeDroid.

Non me pidas que che diga cal me gusta máis porque case seguro que direi que a actual. Non quero entrar en se unha é un chisco de décimas máis rápida ou que permite tal ou cal funcionalidade. E que máis dá! O que importa é que temos coñecemento aberto, compartido, libre… ao que logo lle agregamos capas de aplicacións, lamentablemente pechadas a maioría

Hoxe decídese o Principe de Asturias á Cooperación internacional.

Hoxe, 8 de xuño decídese finalmente o gañador do premio internacional Principe de Asturias á Cooperación internacional, ao que opta o Software Libre que chegou como finalista xunto con Ela Bath confundadroa do Banco Mundial da Muller e Bill Drayton fundador e presidente da asociación de emprendedor@s sociais máis grande do mundo.

Particularmente creo que o Software Libre é ben merecedor de recoñecementos públicos, por multitude de razóns sobradamente coñecidas. Mais se premios como este poden servir de pulo social sempre necesario, tamén é necesario lembrar que exactamente este recoñecemento recaiu no ano 2006 na fundación Bill e Melinda Gates, segundo o xurado «polo exemplo que representan de xenerosidade e filantropía ante os males que asolan o mundo» e segundo eu por aportar migallas a cidadans aos que antes somete.

En fin, sempre están ben os recoñecementos mais…

agnix-Lucus

O próximo sábado 18 os integrantes de agnix_ reunímonos na cidade de Lugo en asamblea para tratar en conxunto diversos temas que afectan a asociación.

A reunión celebrarase nunha das salas de traballo do In Lugo – Centro de Innovación Social.

Dita reunión comenzará as 11.00h da mañán e esta previsto o seu remate a iso das 13.00h.

Logo todos os integrantes da asociación disfrutaremos dun hacking-churrasco e pola tarde aproveitaremos a celebración do Arde Lucus para revivir a conquista romana fronte os castrexos da denominada actualmente ‘Cidade das Murallas‘.

Será un día de xuntanza, amizade, traballo e como non… festa!

Grupo PHP-Galicia

Dende agnix.org queremos dar a coñecer a creación dun grupo denominado PHP Galicia con ámbito en todo o territorio galego.
.
En estes momentos o grupo esta en proceso de construcción total, polo que todos aqueles programadores e aficionados a programación que desexen compartir inquietudes, coñecementos, busqueda de sinerxias, colaboración en futuros proxectos,… que non dubiden en poñerse en contacto co grupo.

A web (versión beta) é a seguinte: phpgalicia.orgphpGalicia-150x150

A lista de correo onde todos estamos empezando a coñecernos é: phpgalicia@googlegroups.com

No Facebook podedes atopar información aquí: PHP Galicia | Facebook

En twitter: phpgalicia

Veña imos aló!!! podemos facer grandes cousas xuntos, eo momento de situar a Galicia no mapa mundial da programación en PHP.

Apuntate!!!!

F*EX

Grazas a Miguel Bouzada enterome da existencia dun servizo denominado F*EX (Frams’ Fast File EXchange)

F*EX é un servizo para enviar ficheiros enormes dun usuario A a un usuario B.

O modo de funcionamento é o seguinte: O remitente (vostede) carga o ficheiro no servidor F*EX e o receptor obtén automaticamente unha notificación vía correo cun enderezo URL para descargalo.
Despois de descargalo ou tras 5 días o servidor elimina o ficheiro.

Podes acceder ao servizo dende o seguinte enlace: F*EX (galego)

Unha boa nova, a existencia deste tipo de servizos.

Expertos en Redes Sociais?

Asombra o elevado número de expertos en Redes Sociais que pululan polos medios de comunicación, eventos, centros de formación empresarial e outros entes adoutrinando sobre posicionamento nas redes ou pautas seguras de comportamento. Fálannos de portais famosos, da importancia de ter un bo lote de seguidores ou do coidado que debemos ter cos nosos datos. E é que as Redes Sociais están na portada dos medios e motivan candentes debates tras decatarse da súa existencia a poboación xeral, especialmente por mor das revoltas árabes ou o 15-M.Redes_sociales

Identifícase rede social con grupos de persoas tras uns equipos informáticos conectados a Internet que se comunican a través das plataformas de moda. Esquécese que antes mesmo dos PCs (Computadores Persoais), artefactos orixinalmente illados, deconectados entre si nunha non tan remota época do «meu PC» cos «meusdocumentos«, xa existían as redes sociais en Internet. Óbviase aos auténticos percursores destas Redes Sociais Dixitais, persoas expertas (con experiencia) que xa colaboraban en Internet aínda antes do nacemento das tres ‘W’ (aínda non existía a web) deseñando e articulando vías para desenvolver proxectos colaborativamente. Esquécese que as Redes Sociais existían antes de Internet. Óbviase o concepto orixinal de Rede Social e, en sentido estrito, sexamos humildes e admitamos que as redes sociais danse tamén en formigueiros ou colmeas, onde o conxunto prevalece sobre a individualidade.

Se xa sabemos o que é Rede Social, como é posible recibir unha publicidade con este texto? «Las redes sociales, ese fenómeno nacido en Internet hace apenas 5 años (…)«.

Como é posible que a conclusión dun recente evento sexa «Cuando algo es gratis en la red, el coste son nuestros datos«?

Seguir lendo »

AGASOL asina o Acordo Atlántico

Organizacións empresariais e sociais relacionadas con Software Libre/Código Aberto de ambos lados do Atlántico formalizan a súa colaboración a través do Acordo Atlántico o 29 de Xuño de 2011.

As seguintes asociacións empresariais e sociais do ámbito do Software Libre/Código Aberto:

  • AGASOL: Asociación Galega de Empresas de Software Libre – Galicia.
  • ASL:  Associação SoftwareLivre.Org – Brasil.
  • ASOLiF: Federación Nacional de Empresas de Software Libre  – España.
  • CAdESoL: Cámara Argentina de Empresas de Software Libre – Arxentina.
  • ESOP: Associação de Empresas de Software Open Source Portuguesas – Portugal.
  • SoLAr: Asociación Civil Software Libre Argentina – Arxentina.

estiveron ao longo dos últimos meses traballando conxuntamente co fin de establecer acordos e canles de comunicación como paso previo á realización dun Plan de Acción conxunto a executar a ambos lados do Atlántico ao longo dos vindeiros anos. Estas actividades estarán orientadas á xeración e explotación de oportunidades de negocio, así como melloras de carácter social, difusión, apoio e asesoramento en cuestións que incumben a cada unha das entidades implicadas.

O Software Libre/Código Aberto propón a xeración e transferencia de coñecemento de igual a igual. As organizacións asinantes do Acordo Atlántico, que hoxe se fai público, pretenden trasladar este principio ao ámbito empresarial e social máis aló das súas respectivas contornas nas que operan. Propóñense tamén aproveitar a experiencia acumulada no desenvolvemento e explotación de tecnoloxías libres, así como na xeración de riqueza a través de modelos de negocio baseados en Software Libre/Código Aberto, para a realización de proxectos e accións conxuntas con impacto global.

O Acordo Atlántico constitúe, polo tanto, a primeira pedra que poñen estas organizacións para consolidar procesos de internacionalización durante os vindeiros anos. Representa á súa vez unha proba de madurez e visión global das organizacións asinantes do acordo, que reforza o auxe que o Software Libre/Código Aberto está experimentando en todo o mundo e, en concreto, nos países hispanos e lusófonos.

FB ou Google+? Cuestión de estilos

Anhelaba fuxir de FB e de momento só vou deixalo baixo mínimos. Voume porque estiven sempre moi desgustado co nulo control que tiña sobre os meus datos, o mercadeo que facían deles, a participación de M$ no seu accionariado, a recente actualización dun binario chamado Skype tras ser mercado por M$ que, loxicamente,  aliouse con FB… Paro de envelenarme. Coidei a miña participación porque sabía que fuxiría. Por que? Por unha cuestión de estilos.

Si, por suposto, preferiría que o substituto do FB fose Diaspora, gNewBook ou calquera outro libre. activei contas nalgúns proxectos libres e sería unha gran alegría que algún destes eles puidese alcanzar non xa unha suficiente eficiencia tecnolóxica senón o segundo e decisivo parámetro na valoración dunha rede social: o número dos seus integrantes.

«Pensa o ladrón que todos son da súa condición» ou todas «nadan nun mar de quenllas«. Se cadra por iso ou polo simple (e nada desdeñable) feito de ser gran empresa, métese a Google no mesmo saco que M$, Apple, Oracle… Prefiro ser inxenuo e non facelo. A ver.

Linux 3.0 na rúa

¡¡¡Linux 3.0 na rúa!!! É unha das grandes novas que aparece en calquer web de tecnoloxía, de software libre, web 2.0, … a nova versión do kernel máis famoso do mundo está na rúa.

Linux sigue crecendo, sigue implantandose por todas partes e en todo tipo de dispositivos dende servidores críticos a móbiles, pasando por sistemas empotrados, ordenadores personais, robótica, etc, etc…

Linus Torvalds facendo uso de Google+ fixo seguinte comentario: “3.0 pushed out“.

No repositorio oficial de arquivos de Linux ‘The Linux Kernel Archives‘ xa podemos ollar a nova versión dispoñible para ser usada por calquera (ainda que como versión estable siga aparecendo a versión 2.6.39.3).

Seguimos crecendo, seguimos sendo libres, seguimos compartindo, seguimos creando comunidade,

images

E agora nos preocupa a privacidade?

Si, preocúpanos a privacidade, a exposición de datos persoais, localización, costumes, pegadas na rede… Somos espiados!

Descúlpame. Criticarei severamente a quen agora se preocupa pola súa privacidade e a quen baixa a garda ndefensa do Sofware Libre (SwL). Polo tanto, as críticas tamén me afectan.

ESPIAS

A preocupación máis que xustificada pola nosa privacidade está comezando a elevar as consciencias do cúmulo de perigos que hai na Rede e dos inxentes beneficios que xeran a axentes intermedios. Cada vez somos máis os que presumimos de consciencia, sabemos que somos espiados. Con todo dixen literalmente ‘comezando‘ porque aínda non é maioritaria esta preocupación, tan só brotou.

Obviamos que somos triangulados pola telefonía móbil, rexistrados con cada compra con cartón de crédito, en cada peaxe de autoestrada ou, simplemente, paseando por rúas infestadas de cámaras de videovigilancia. O curioso é que esta preocupación chegue agora coas redes sociais, ese invento que algúns cren deste século.
Seguir lendo »