NON ás patentes de software en Europa

Estamos protestando contra as patentes de software en Europa.

A meirande parte do software será de uso ilegal en Europa se esta perigosa directiva adoptase sen as enmendas precisas.

Comisión Europea e o Consello de Ministros están impulsando secretamente as patentes de software sen límite, fortemente presionados por multinacionais e abogados especializados en patentes. Están ignorando a decisión votada democráticamente no Parlamento Europeo o 24 de setembro de 2003, que ten o soporte de mais de 300.000cidadáns2.000.000 de PEMEs, e ducias de economistas e científicos.

Únase a nós na manifestación que terá lugar nas rúas de Bruselas o 14 de abril de 2004.

Únase a esta protesta online cambiando a súa páxina web dende o día 5 ata o 15 de abril

Solucionando erro da miña conta en jabber.org (IM)

Non, non fun eu quen o arranxou senón un dos responsables de Jabber!

A historia foi tal que así:

Dende hai anos uso a conta de jabber (protocolo estándar abierto XMPP)  para mensaxería e os clientes para a mensaxería foron varios: kopete, gaim, pidgin, gajim… mais, dun tempo a esta parte, o Pidign amosábame un “Erro de análise XML“. Que será? Probei de todo! E nada, sen resultado, sempre a mesma mensaxe de “Erro de análise XML“.

Fun á páxina de preguntas frecuentes e seguín a vía dun posible erro ao trocar o meu contrasinal, a última pista que posuía de cando me funcionaba ben a conta. Seguín as intrucións (semellan un chisco paranoicas) e agardei en balde un dias.

Hoxe decidín pesquisar outro pouco máis ata atopar esta resposta perdida nunha longa páxina HTML. Alí amosa un novo enderezo da mesma persoa: Peter Saint-André. Mándolle unha copia da mensaxe que lle enviara tempo atrás e… voilá! Intres despois foron unha secuencia de mensaxes que remataron co arranxo do meu problema.

Xa me pasara tempo atrás (2001?) o mesmo cun módem PCMCIA que non tiña controlador en Linux 2.2x.. Daquela atopei o desenvolvedor de PCMCIA en Sourceforge, David Hinds, e dez dias despois desenvolveu un controlador para min e outros co mesmo chip e problema. Só colaborei enviando as saídas de comandos que el mesmo ía pedindo.

Imaxinas se tivera que agardar a que Hasefroch dera resposta aos problemas de virus, drivers… directamente?

O preto que temos aos ‘gurús‘ do SwL é unha vantaxe abraiante! Son varios os exemplos que ao longo dos anos un vai acumulando, incluíndo, como non!, ao propio RMS

OpenDesktop

Todo que necesitas para o teu escritorio está enOpenDesktop, unha web onde atoparás unha casi infinita cantidade de app’s organizadas baixo distintas seccións. Botalle un ollo de seguro que has
de atopar algo interesante.

Italia apúntase ao Sw Libre

O Ministerio Italiano de Administración Pública e Innovación, xunto coa Sociedade de Enxeñaría Informática Engineering e algunhas universidades italianas, subscribiron un acordo para a creación dun centro público/privado nacional para ofrecer servizos relacionados co software open source.

A finalidade do devandito Centro Italiano de Competencia Open Source é promover e divulgar a utilización de software de código aberto nas institucións públicas e privadas mediante cursos de formación, certificacións e consultoría. O Centro iniciará operacións sendo soportado técnica e cientificamente cos resultados do proxecto QualiPso:

[…] escolas, universidades, municipios, centros de saúde, Pemes […] os interesados poderán explotar o soporte, as competencias e a formación provista polo Centro para entender, personalizar e adaptar a paradigma Open Source ás súas necesidades.

O Centro ofrecerá catro servizos específicos en relación co Open Source:

1. Asesoramento e soporte técnico para a xestión de FLOSS.

2. Medición da calidade do software, baseado en estándares como o CMMI.

3. Formación de recursos humanos con cursos en liña ou presenciais.

4. Difusión do FOSS e da importancia da súa adopción.

O que goberno italiano está a consolidar -e por fomentar- coa creación do seu Centro de Competencia Open Source é a adopción de estándares públicos e abertos, así como prácticas máis transparentes para a administración pública. E aínda que a iniciativa non é a primeira do seu tipo -Brasil ten moito camiño andado-, si é un exemplo de gobernanza que, non teño dúbida, outros países deben comezar a imitar.

Visto aquí.

Steam- correrá baixo GNU/Linux

Esta é unha boa nova para todos aqueles que gustan dos xogos dende o ordenador. Parece que a sequia de xogos comerciais para a plataforma GNU/Linux pode tocar o seu fin e todo grazas a –Steam– varios medios de difusión facianse eco fai uns dias de que probablemente esta plataforma de xogos estivese dispoñible non só para Mac OS X senon que tamén estivese dispoñible para GNU/Linux, pois ben, todo parece apuntar que así será e –Steam estará dispoñible para Linux– son varios medios de comunicación (TheInquirermuylinuxbitelia, … ) que xa o dan por feito; mesmo en Phonorix nos apuntan que se o desexamos en este ficheiro temos todo o necesario par instalar un cliente nativo de Steam para Linux, podendo tamén buscar máis axuda neste foro.

Agora so falta que Valve a empresa que desenvolve -Steam- o faga realmente oficial e lance as primeiras versión do cliente Steam-Linux.

Máis información sobre –Steam

Acordo de suscripción con -Steam- onde podemos ler que dista moito da filosofía do FLOSS; ainda así de momento parece ser a única alternativa para xogos comerciais baixo GNU/Linux.

openoffice.org, achegamentos

Despois diversas conversas dos ultimos dias, tiven curiosidade sobre o proceso de compilación de openoffice.org.

Como son un moi respetuoso seguidor das boas vellas tradicións, pois baixei as fontes do pacote da distribución, e lancei o proceso de compilación. Despois, unha vez feito este, virá o traballo “mais na fronteira” de baixar as fontes dende os repositorios do upstream. Pero eso será despois.

E, mentres agardo, comecei a fedellar nas “cousiñas” habituais ás
que nos teñen acostumados os empaquetadores desta e doutras aplicacions: cambio de imaxes, letreiros, opcións de compilación…
“tuning”, en resumo.

Vou apuntando as guias e os rastros, como sempre, na libreta de ligazóns.

Nove horas despois de comezar, eis os mais de 400Mb de binarios
compilados e listos para instalar. Primeiro chanzo! O seguinte: descargar as fontes dende download.openoffice.org, e facer os binarios.

VII GUADEC-ES na Coruña

Este ano a VII GUADEC-ES organizarase na Facultade de Informática da Universidade da Coruña os días 22 e 23 de xullo de 2010. Esta ediciónestá organizada por GPUL e GNOME Hispano.

Esta 7ª edición da GUADEC Hispana ibase a realizar por primeira vez en latinoamérica sendo Chile o país organizador, pero os acontecementos acaecidos debido ao devastador terremoto obrigaron a buscar un cambio de
sede. Así que finalmente a organizaremos dende GPUL na Coruña a todavelocidade.

Esperamos que este evento teña interese para a comunidade Galega de Software Libre e se poidan mostrar en GUADEC-ES os traballos que seveñen realizando pola comunidade Galega.

Remitovos a petición de contribucións e pidovos que lle dedes difusiónao evento. Pronto abriremos o periodo de inscrición.

Google elimina Windows… por seguridade

Google comezou a substituír o uso interno do sistema operativo Windows(M$) por motivos de seguridade. Esta información transcendeu de varios empregados de Google. E é que o motivante principal foi os recentes ataques que sufriu a compañía de parte de hackers chineses, o que desemboco nun conflito co goberno chinés e a súa posterior saída do país.

A directiva para pasar a outros sistemas operativos comezou en xaneiro, despois de que as operacións de Google en China foron cortadas, e que efectivamente podería pór fin á utilización de Windows, en Google, que emprega a máis de 10.000 traballadores a nivel internacional. A principios de xaneiro, aínda se lles permitía instalar a algúns novos empregados o sistema operativo Windows
nas súas computadoras portátiles, pero non nas súas computadoras de escritorio.

Os novos empregados teñen agora a opción de usar as computadoras de Apple Mac ou PC con sistema operativo Linux. “Linux é de código aberto e sentímonos ben con el”, dixo un.  Se un empregado quere conservar Windows debe ter unha autorización de ‘alto nivel’, e se quere conseguir unha computadora nova con Windows necesita unha aprobación CIO (O equivalente a un Xerente de Sistemas).

Estaremos no FISL 11

Recibín onte un correo-e confirmándoo:

“A sua palestra, listada abaixo, foi aceita para o FISL 11 após avaliação por parte do público através do torneio suíço.”

O título elixido é “Sw Livre em Galicia: ejemplo de Comunidade, Políticas e Negócios”.

FISLFórum Internacional Software Livre, está considerado o maior encontro de comunidades de software libre de América Latina e un dos maiores do mundo. Esta é a súa 11ª edición.

Terei a sorte de ir acompañado do meu amigo e socio, Carlos, a oportunidade de representar a AGNIX, AGASOL e ASOLIF, promocionar Galicia a lo menos no eido do SwL e manter entrevistas con diversos representantes especialmente de Brasil e Arxentina.

ler máis

Parabéns

Temos sorte de poder contar coa túa representación no FISL!!

Cousas de Google, dende a liña de ordes

A liña de ordes non é a AP9. É ese sitio no que podemos decirlle ao computador que faga cousas, alén da metáfora do escritorio. A xente de Google, que non para de adiantar traballos e sacarlle brillo ás ferramentas para facelas máis útiles, publicou googlecl “Command Line Tools for the Google Data APIs”: Ferramentas […]

O meu lector RSS no Android

Tras un tempo de investigación e probas xa decidín cal é o lector de novas RSS para o meu HTC Desire con Android, o GNU/Linux de Google.

Tras probar de todo no escritorio (até un plugin para o Evolution) e extensións para o Firefox elexín o Liferea. Porén tiña o inconvieniente da difícil sincronización e a accesibilidade fóra no meu equipo.

ler máis

Despilfarro libre

Unha das razóns de ser do software libre é axudar ao crecemento dos países en vías de desenvolvemento, axudándolles a acceder ás novas tecnoloxías sen necesidade de ter o último modelo de computador o de malgastar os cartos en (a parte de empregar a cegas) software privativo.

Neste sentido, en contraposición ao software libre, temos o “despilfarro libre”: Esta “moda” do “capital-consumismo extremo” no que vivimos, de bater, “cociñar” no forno de microondas, dispararlle, etc. a trebellos novos, nada máis sacalos da caixa. Milleiros de persoas morren de fame todos os días mentras estes (insire aquí o teu insulto preferido) funden centos de euros en cuestión de segundos para “pracer” dos (insire aquí o teu segundo insulto preferido) que “patrocinan” este sinsentido vendo os vídeos.

Sei que isto pode parecer unha hipocresía pola miña parte, pero unha cousa é vivir nunha sociedade capitalista na que mercamos cousas que “creemos” necesitar e non só as que verdadeiramente necesitamos, e outra é esa demostración despiadada de falta de solidariedade.

Nota: Que conste que esta é a miña opinión e non, nesariamente, a de Agnix.

Asdo:

Jorge Álvarez

Navegación GPS sen conexión a internet con Android (I)

Supoño que nun breve futuro o Google Maps Navigation terá a posibilidade de ser plenamente funcional sen necesidade de conectarse a internet. Nese intre só teremos que planear a nosa ruta, descargar os mapas cunha boa conexión e sair de viaxe sen acceder a internet.

Mentras ese intre non chegue, velaquí os pasos que din:

ler máis

ePub – O MP3 dos livros

O amigo Alessandro Faria (‘Cabelo‘) envía este artigo:

Disponibilizo um documento sobre o padrão ePub no Viva O Linux explicando o conceito de funcionamento, instalação e criação do mesmo. Foram precisos quase 10 anos de pesquisas para criação e aprovação da indústria do livro por este padrão. Mas valeu a pena… Pois um documento elaborado em ePUB proporciona um boa leitura visual em qualquer aparelho independente do tamanho e/ou formato do visor. O mesmo apresenta
recursos como redução ou aumento do corpo da fonte, tamanho da página, assim permitindo a adaptação do texto conforme as necessidades do hardware.

Tratando-se de um padrão aberto reconhecido internacionalmente e com leitores disponíveis para diversos equipamentos, acredito portabilidade literária junto a explosão dos visualizadores de ebook e smartphones.

Microsoft sigue sin dar soporte ao estándar ISO OOXML

Según sinalan en muyLinux.com logo de que o gran imperio OScuro loitase e usase todo tipo de artimañas para conseguir que o seu formato fose admitido como un estandar ISO, parece ser que non hai ningunha aplicación que faga uso de dito formato. O caso é que o formato OOXML non existe na práctica dado que nin siquera a súa suite ofimática cumpre as regras aprobadas na ISO.

A nova apunta cara Ars Technica, onde se pode cumplimentar a información.

É lexítimo favorecer ao Sw Libre

Era máis que evidente pero houbo quen o quixo obviar para dobregarse ás absurdas (pero eficaces) razóns esgrimidas por unha mutinacional a prol da suposta Neutralidade Tecnolóxica que debe presidir a administración pública.

Agora queda claro, e ben claro: a Corte Constitucional italiana considera lexítimo favorecer ao Sw Libre. Noutras verbas, é legal e xusto favorecer ao SwL.

Pero non abondará, e imos comprobalo. Dirán que iso aconteceu en Italia e non é de aplicación noutros países por moito que o sentido común, Constitucións e os Dereitos Humanos ratifiquen o alí sentenciado. A multinacional preparará outro arsenal de razóns para que sirvan de excusas a cobardes e aquí seguiremos igual. Nin siquera valerá que a propia Administración Pública o recomende co recente documento “10 razones para que la Administración libere software“. Aquí seguiremos igual ou case.

Queda claro que a Historia escribímola entre todos pero só merecen o noso agradecimento e admiración unhas cantas persoas, todas elas valentes. Pero, a parte do sinalado, por que a administración ten que ser neutral na tecnoloxía? O é na sanidade, sistema de xubilacións, carreteras, educación…? O Constitucional italiano asevera que o SwL até propicia unha liberdade de competencia real.

A Universidade venezolana Simón Bolívar ofece un curso de Software Libre

O curso en Software Libre busca motivar aos seus participantes na creación de Comunidades de Desenvolvemento que fomenten o desenvolvemento de Sistemas de Información Libres en Venezuela. Sobre os obxectivos do curso, Kenyer Domínguez, profesor do Departamento de Procesos e Sistemas da USB e Coordinador do curso, comentou: “O curso de Software Libre foi desenvolvido co fin de proporcionar un amplo coñecemento da filosofía, tecnoloxía e conceptos fundamentais do Software Libre, permitindo incorporar este modelo de negocio dentro das organizacións e empresas. Ademais, permite potenciar o Software Libre como unha nova forma de entender o desenvolvemento tecnolóxico, impulsando á creación no país de Comunidades de Desenvolvemento de Software Libre”.

Está dirixido a estudantes universitarios, técnicos medios, técnicos superiores e/ou profesionais que desexen adquirir, fortalecer e/ou ampliar coñecementos na área do Software Libre, co obxectivo de dirixir, analizar e participar en proxectos de Software Libre de ámbito empresarial nacional e internacional. O participante coñecerá o modelo de negocio de Software Libre, metodoloxías, fundamentos e desenvolvemento do mesmo, permitíndolle ter unha perspectiva cara a novos desenvolvementos para liderar proxectos de desenvolvemento e implementar sistemas para o control de procesos e información baixo Software Libre.

Xornada sobre SwL para profesionais e empresas TIC

O día 6 de maio, en xornada de 16:30 a 20:00 horas, terá lugar no Centro de Novas Tecnoloxías de Galicia da Dirección Xeral de Formación e Colocación da Consellería de Traballo e Benestar, unha xornada de achegamento ao Software Libre para profesionais e empresas TIC.

A xornada tratará de achegar aos asistentes a potencialidade do SwL e a capacidade das súas ferramentas. O evento estrutúrase en tres módulos diferenciados nos que, o primeiro deles, fará fincapé en aspectos relacionados coa legalidade (licenzas) e modelos de negocio asociados ao SwL, para, a seguir, módulos segundo e terceiro, centrarse en contidos relacionados co desenvolvemento e a administración de sistemas.

O evento está especialmente dirixido a persoal técnico, autónomos e directivos de empresas TIC, tanto do sector privado como público, así como para o persoal desempregado técnico que teña interese na temática.

Os relatores que intervirán na sesión son:

  • Roberto Brenlla. Economista, usuario de software libre dende 1997 (Linux Registred User #124437). Socio fundador e presidente de AGNIX ata xullo de 2006. Promotor do GNIX. Fundador e socio consultor de TEGNIX, empresa especializada en software libre. Dende xuño de 2009 ostenta a presidencia de AGASOL (Asociación de empresas galegas de software libre.
  • Francisco Diéguez. Analista da oficina de SwL da USC. Conta coas seguintes certificacións: LPI-1, Zend PHP 5, Desenvolvedor MySQL: Certificado MSDEV II.Membro activo da comunidade de SwL en Galicia.
  • Óscar Casal. Administrador de redes e sistemas no departamento de Electrónica e Computación da USC onde é responsable da instalación e mantemento dos equipos e servidores OpenLDAP, IS, Samba, NFS, firewalls, servidores web e de correo etc.. Posúe as certificacións LPI-3, ITIL, CCNA.

O acceso, previa inscrición a realizar online a través do portal web do cntg, é de balde e condicionado ao aforo do local. O prazo de inscrición ao evento rematará o mércores día 5 de maio.

Para máis información dos contidos ou se inscribir na xornada prema nesta ligazón

Corea do Norte xa ten a súa propia distribución Linux

O sistema operativo Rede Star pode considerarse estable,a súa posta en marcha é sinxela e a súa instalación leva ao redor de 15 minutos de tempo,cun único idioma como alternativa:o coreano.A interfaz desktop aseméllase a Windows e parece estar baseada nunha recente versión da contorna K Desktop Environment.O navegador está baseado no browser Firefox de Mozilla..

Klavaro: aprende mecanografía en GNU/Linux

Existen programas educativos do máis interesantes en GNU/Linux, o último descubrimiento é Klavaro, una aplicación para aprender mecanografía que ademais é perfecto para medir o rápido que escribes ainda non o fagas da forma “correcta” (mecanográficamente falando).

Unha das vantaxes de Klavaro é quesoporta un montón de idiomas e de tipos de teclado/localizaciónsdistintas, o que o fai perfecto para aprender mecanografía en todo tipo de
rexións. E cun poco de paciencia, seguro que logrades escribir moito
máis rápido e mellor.

A universidade aposta polo software libre

A universidade española decidiu “fomentar o uso do software libre” para non depender de grandes empresas de informática no desenvolvemento de aplicacións específicas, tanto para a escola de xestión para promover a comunicación dentro da comunidade universitaria.

Esta é unha das conclusións aprobadas na reunión da Comisión sectorial de Tecnoloxía da Información e Comunicación (TIC) da Conferencia de Reitores das Universidades Españolas (CRUE), que foi realizada na Escola de Estudos EmpresariaisBilbao.

O uso desta tecnoloxía, segundo fontes da Universidade do País éuscaro (UPV), permitiría tamén a intervención sobre o desenvolvemento de profesores e estudantes con formación en novas tecnoloxías, “que podería ser unha gran forma de usar ocoñecemento de títulos universitarios neste ámbito. ”

Outra vantaxe, segundo a UPV salientou, é que o software libre permite a implantación de linguas minoritarias en varias aplicacións, na medida en que as persoas interesadas e dispostas competencias informáticas suficientes implicados no seu desenvolvemento.

Novo kernel Linux 2.6.33 com aceleração 3D livre para cartas Nvidia

Vem de sair a versão estável do novo kernel Linux 2.6.33. Entre as características mais salientáveis está a inclusão do piloto livre Nouveau que, ao contrário do nv, permite obter aceleração 3D nas cartas gráficas Nvidia sem necessidade de instalar os pilotos proprietários. Aliás, o novo kernel também oferece soporte para as populares consolas Nintendo Wii e Gamecube.

Chile usa Sw Libre no seu desastre

Igual co comentado en AGNIX.org polo amigo eniac referido ao terremoto de Haití, agora Chile volve a empregar Sw Libre para controlar o desastre causado polo seu aínda maior tremor.

Sahana é un SwL que foi deseñado despois de que un tsunami devastara Sri Lanka. Este software posteriormente foi utilizado no terremoto de Caxemira en Paquistán e hoxe está a axudar a Haití e a Chile (Sahana Chile).

Sahana ten unha serie de módulos que permiten facer un mapeo
xeoreferenciado do desastre, rexistrar as persoas desaparecidas e as
atopadas, levar o control das doazóns e víveres, localizar nun mapa as
rutas, hospitais, lugares de abastecemento, etc.

Recuperar ttf-bitstream-vera

Chamoume a atención que na Ubuntu 9.10 Karmic non houbera a fonte Bitstream Vera, precisamente a que empregaba como predeterminada no OpenOffice.org. Ao parecer o conxunto de fontes DejaVu están baseadas nas Bitstream polo que foi a substitución elexida en Ubuntu.

Porén, pódese instalar ese conxunto de fontes. Fíxeno descargando as fontes e logo, como administrador, descomprimindo ese paquete en /usr/share/fonts/truetype. Todo ilo gráficamente grazas a ter á miña disposición no botón dereito do rato a opción “Abrir como administrador” que me deu a instalación do paquete

Se prefires facelo por liña de comandos:

Debian cumpre 18 anos

Hoxe a distribución de GNU/Linux denominada Debian cumpre nada mais e nada menos que 18 anos.

Desde agnix.org queremos felicitar a toda a comunidade que fai posible que esta grandísima distribucción poida seguir avanzando, crecendo e espallandose por doquier.

Na web de Debian podes deixar unha mensaxe para felicitarlles o aniversario.

E que mellor que descargar de forma totalmente libre e gratuíta a última versión de Debian Squeeze.

A Xunta sigue xogando co Sw libre (agora si, agora non, agora si…)

Unha vez máis o presente goberno da Xunta de Galicia sigue facendo ese dobre xogo de apoiar ao sw libre e por outra banda reportar grandes cantidades de diñeiro ao imperio-dictador de Redmond.

[modo retranca = on]

Desta volta e dados os magníficos tempos de opulencia e superhábit económico no que vivimos a Xunta decidiu contribuir a seguir aumentando a recaudación dunha empresa extranxeira polo pago duns royalties que lle otorgan o permiso de (só) usar unha suite ofimática.

A adxudicación vai de man de ‘Augas de Galicia’ que pagou 66.552 euros para o uso e disfrute dos seus traballadores dun coñecido (cada vez menos) paquete ofimático.

Así mesmo a adxudicación foi feita como se debe facer… a dedo que así non quedan dubidas de ningún tipo. (Será o pago de favores pasados¿?¿?¿?)

[modo retranca = off]

É unha mágoa que a Xunta non aposte definitivamente polo uso de Software Libre, aposta que supoñería un gran aforro no pago de royalties polo simple uso de aplicacións informáticas, en tanto en canto hoxe por hoxe hai alternativas libres a esas aplicacións caras e privativas, dinamizando ademáis o maltratado texido informático Galego.
Para rematar e non caer na estupidez de tirar os cartos como fan os (des)gobernantes de Xunta convidovos a probar e usar LIBREOFFICE -A suite ofimática libre por excelencia-

En mancomun.org non fai moito tempo escribiron un artigo avalando a calidade desta suite ofimática.

Xornadas abertas sobre Software Libre

Como parte da promoción da V edición do Master de Software Libre no vindeiro setembro celebranse as Xornadas Abertas sobre Software Libre, organizado por Igalia e a Universidade Rey Juan Carlos.

As Xornadas, desenvolveranse os venres pola tarde e sábados pola mañá os dias 9-10, 16-17 e 23-24 coa participación de colaboradores de diveras áreas trataranse diferentes temas relacionados co software libre. Tendo o carácter de abertas, polo tanto, de punto de encontro entre antigo e novo alumnado do Master e tamén de intercambio entre profesionais e simpatizantes.

O evento será no edificio da obra social de Novacaixagalicia que colabora na organización do envento, na rúa Policarpo Sanz, 24-26 Vigo.

A entrada é de balde mais, para ter previsión do aforo, dende a organización solicitan a inscripción por correo a mswl@igalia.com facendo indicación dos días, ou neste formulario

Xa teñen a axenda de poñentes definida, que podedes ver xunto con máis información aquí

Curso de Software Libre

No centro de innovación social de Lugo (In Lugo – CIS) está preparado un curso de ‘Introducción ao software libre‘ para os dias 19 e 20 de septembro no horario de 18.00h a 20.00h.

È un curso de introducción, no que se verá os comenzos deste movemento (a súa historia), que é o software libre, por qué se debe de usar, frontes a superar, as libertades que ofrece, quen usa software libre, quen contribue ao movemento,…, casos de éxito,…

Por último realizarase unha parte práctica facendo uso da distribución de GNU/Linux Ubuntu, na que os alumnos usarán esta popular distribucción para a realización das tarefas máis comúns, navegar por internet, uso de LibreOffice para traballos ofimáticos, visionar videos e fotografias,…

O curso estará dispoñible na plataforma moodle do In Lugo – CIS (versión en galego e castelán).

Redes sociais, Sw privativo… un debate calquera

Esta é unha réplica dun construtivo debate que mantiven onte con +Fran Diéguez no meu perfil de Google+ a raíz da versión en galego do post Non uso Android senón LeeDroiD. Neste debate tamén entraron +Carlos Ces e +Tonio Castro.

Fran: O concepto de LibreAndroid xa existe e é precisamente no que se basean case tódalas ROM. O proxecto chámase AOSP (Android Open Source Project) mantido pola Google.images (4)

Digo case tódalas ROM porque hai algunhas que modifican as dos fabricantes e esas levan capas privativas (HTC Sense, Samsung TouchWise…)

Brenlla: Si, Fran, sabemos. Acontece que logo enchemos de apps privativas. Por exemplo, desexaría ter un bo navegador GPS con OpenStreetMaps, un gwibber para redes sociais, navegadores, editores, xestores de arquivo… toda esa capa libre.
Hoxe metemos calquera cousa, case sempre privativa, tanto que se instalan apps como WhatsAppque nos espían literalmente coas case que 30 autorizacións que lle otorgamos. En fin, só é un desexo en voz alta.

Fran: O paradoxico é que protestamos polo roubo de privacidade por parte de WhatsApp e empregamos redes sociais como esta.
Imos ter que deixar a tecnoloxía.

Brenlla: Fran, máis ben ao revés. Nas redes eu decido cada vez o que escribo ou deixo visible da miña parte pública. En WhatsApp a maioría acepta unha licenza sen ler e logo está xeolocalizado, coa súa axenda completa copiada, deixando permisos de lectura e escrita completa do teu dispositivo… Poucas apps collen tantos permisos como Whatsapp ou Viber. Nota: compróbao na lapela «Permisos» das ligazóns.

Baleas, golfiños… e Software Libre

Probablemente a abafadora maioría estaremos de acordo coas actividades de Greenpeace na defensa das baleas, golfiños e a natureza en xeral. Admiramos a súa valentía e adicación porque, a pesar de beneficiarse toda a Humanidade, non todos facemos o mesmo: loitar pola defensa do ben común con tanta enerxía.dos-barcos-de-greenpeace-enfre

Evidentemente a outro nivel, pero igualmente en beneficio da Humanidade, é a enérxica defensa que facemos do Software Libre.

Para algunhas persoas é difícil comprender a intensidade e insistencia da nosa defensa. Difícil tamén é entender como unha lancha enfróntase a enormes barcos baleeiros.

É posible que, a pesar de apoiar tacitamente a loita de Greenpeace, esteamos cometendo erros tan evidentes como empregar o noso propio vehículo no canto de transporte público ou merquemos sen prestar atención algún produto de perfumería que conteña graxa de balea (*). O que non faremos será escusarnos por iso ante integrantes de Greenpeace. Sería estéril, non aceptarían ningunha das nosas escusas. É obvio.

HackMeeting 2011 – A Coruña

Os Encontros Anuais de Hacktivistas deron comezo en Florencia en 1998 e nesta ocasión o turno é d’A Coruña.

Anímate a facer propostas pois todas elas serán evaluadas por autoxestión. Participa, divulga!

Datas: 21, 22 e 23 de outubro de 2011 (A Coruña).images (3)

El software libre

Software libre fai referencia á liberdade dos usuarios para executar, copiar, distribuir, estudiar, modificar o software e distribuilo modificado. Habitualmente, está dispoñible de balde, aínda que non é obligatorio que sexa así. Esta gratuidade fai que toda a sociedade teña acceso ao software e que o poida adaptar ás súas necesidades. Pero máis aló da súa gratuidade, o software libre é unha cuestión ética, de liberdade e de acceso ao coñecemento libre. Na actualidade, multitude de empresas, institucións, fundacións, asociacións e outros organismos colaboran diariamente co mundo do software libre, pero a súa maior fortaleza é a comunidade que hai ao redor del, as persoas que cada día o usan, de aí que sexa moi importante que todos colaboremos na súa difusión e que todos sexamos parte deste movemento. De aí a importancia da túa colaboración.

Como podo colaborar co software libre?

Hai diversas maneiras de colaborar, o mundo do software libre é moi amplo e ten moitas frontes abertas. A maneira máis simple de colaborar é informándoteusando software libre no teu día a día e difundíndoo entre os teus coñecidos. Busca no Google información ou le na wikipedia sobre este, visita as webs das asociacións, achégate a eventos que se organicen, etc… pouco a pouco iraste empapando deste mundo e descubrirás todas as posibilidades de colaboración. Cantos máis sexamos máis e mellores beneficios teremos todos.

Tamén se pode colaborar participando e difundindo as actividades que se desenvolven neste eido, ou colaborando con algunha asociación a prol do software libre, ou mesmo facéndote membro de unha, AGNIX está aberta a novos socios/as. Outra maneira de colaborar é traducindo o software ao noso idioma ou, se es programador, podes liberar o teu código. Tamén se pode colaborar economicamente con algunha asociación ou fundación que desenvolven e manteñen o código. Como ves, as formas de colaborar son diversas, anímate, infórmate e ponte en contacto con nós ou outra asociación.

Colabora con AGNIX

AGNIX é unha asociación sen ánimo de lucro a prol do software libre de ámbito galego. Podes colaborar con nós participando na nosa web ou nos eventos que organizamos. Tamén te podes facer socio ou socia e compartir con nós as túas inquedanzas, estamos abertos e somos persoas coma ti con inquedanzas na mellora da sociedade a través do software libre. Se queres facerte socio só tes que poñerte en contacto con nós e darnos os teus datos e correo electrónico, non hai máis requisitos, despois poderás participar nas actividades que organicemos e aportar o que queiras ou poidas.

Tamén se pode colaborar economicamente coa asociación, non temos ánimo de lucro e autofinanciámonos con recursos propios ou aportacións puntuais de institucións, empresas ou organismos oficiais. Nos vindeiros días habilitaremos unha forma de facernos chegar doazóns.

Outras asociacións a prol do software libre en Galicia

Ademais de AGNIX, en Galicia conviven varias asociacións a nivel autonómico e/ou local, cada unha delas ten as súas características; para coñecelas bota unha ollada polas súas webs:

Outras asociacións ou institucións onde atopar información sobre o software libre:

  • AGASOL (Asociación de empresas galegas de softwabre libre).
  • ASOLIF (Federación empresarial de asociacións de Software Libre a nivel estatal).
  • Free Software Fundation (organización creada por Richard Stallman e outros entusiastas do software libre co propósito de difundir este movemento).
  • Hispalinux (asociación de usuarios españoles de Linux).
  • Mancomún (portal da Xunta de Galicia aglutinador das iniciativas sobre software libre que se están a desenvolver en Galicia).