Comparação Open Source vs. Software fechado

McB escreve “Muito se fala sobre as vantagens de um modelo de desenvolvimento fechado vs. um modelo de desenvolvimento open-source, mas regra geral as vantagens que são apresentadas são ideológicas, que são boas para a humanidade, etc.

No entanto, é fácil de perceber que isso não vence no mundo real (parece que muito boa gente ainda não conseguiu ver isso), onde o que se quer são resultados, e não ideologias (i.e., qualquer ideologia é boa desde que a empresa GANHE com isso, e quando falo de ganhar, falo em NÚMEROS, não em algo não mensurável).”

“Neste artigo demonstra-se as vantagens do modelo de desenvolvimento open-source apresentando métricas e dados objectivos que provam de uma forma mais científica aquilo que já sabíamos empriricamente: que o modelo de desenvolvimento open-source é menos “error-prone” que modelos de desenvolvimento fechado.

«[…]The result of all the tests was a defect count of 21 – that’s a defect density (measured in Thousand of Lines of Code [KLOC]) of 0.09. This rate is somewhat below the average for the industry, which hits an average of 0.57 defects per KLOC. That’s across a total of more than 35 million lines of code.»

O estudo em causa (que tomou como exemplo o MySQL) pode ser visto em mais detalhe aqui.
Ainda neste link estão outros estudos interessantes, como o que compara a stack TCP/IP do Linux com outras versões UNIX de código fonte fechado. “

Instalar JRE en Ubuntu 8.04

Vale imos instalar o ‘Java Runtime enviroment’ que non é outra cousa que un kit que instala a máquina virtual no teu equipo. JREdescripción da wikipedia.

Podes ollar esta web do foro de Ubuntu –foro– lémbrate de actualizar as indicacións do foro a versión que vas descargar.

Para descargar podes facelo dende –aquí-.

Outra opción é instalalo facendo uso do Automatix como nos indican en –Ubuntu life

Wall Street sigue apostando polo Open Source

Un artigo de Ars Technica así o demostra: os escenarios financeiros están tratando de recortar orzamentos, e sistemas operativos como GNU/Linux ou solucións Open Source son unha boa forma de reestructurar estes sistemas.

De feito agora apareceu unha nova proposta dunha startup chamada Marketcetera, que está desenvolvendo desde fai dous anos unha nova plataforma Open Source de comercio electrónico totalmente automatizada.

A solución desta pequena startup está programada en Java e ademais ofrece o motor de scripting de JRuby para poder estender os seus funcionalidades. Os seus creadores desenvolveron ademais unha implementación propia do protocolo FIX, propio de transacciones económicas e comerciais, chamada QuickFIX e que tamén é Open Source.

Unha preguiceira administración de sistemas require terminal

De cotío os sistemas GNU/Linux son mellores e máis doados de seren empregados. Xa non é necesario saber o que é un terminal para quen só desexe empregar aplicacións de escritorio. Até temos unha porrada de efectos especiais en 3D grazas a Compiz e para ilo tampouco é necesario ir ao terminal. Ben, agás cando os problemas sexan máis serios…

Porén, o poder real dos sistemas libres está nel, no terminal. Unha lectura recomendable é  “Ao principio foi a liña de comandos“, de Neal Stephenson, 1999 (libro en PDF traducido ao galego por CompostelaWireless). Outra pode ser este artigo (en inglés) “Lazy Linux: 10 essential tricks for admins“. Non polos 10 trucos referidos a SSH, VNC ou á restauración do contrasinal de ‘root’ senón, ao meu entender, pola opinión expresada polo seu autor, o polaco Vallard Benincosa:

Os mellores administradores de sistemas son distinguidos pola súa eficiencia. E se un administrador de sistemas pode ralizar unha tarefa en dez minutos cando levaría dúas horas en ser completada por calquera outro mortal, entón a eficiencia do administrador de sistemas debería ser recompensada (mellor paga) porque a empresa está a aforrar tempo, e tempo é diñeiro, verdade?

(…) Conclusión

Hai milleiros de trucos que podes aprender de alguén que sexa experto na liña de comandos. As mellores vías para aprenderes son:

  • Traballar con outros. Compartir pantallas de sesións e ollar como traballan outros -verás novos enfoques sobre facer cousas. Pode que necesites tragar o teu orgullo e permitir que outras persoas te dirixan pero con frecuencia aprendes moito.
  • Le as páxinas de manual (man pages). En serio, lendo as páxinas do manual, até de comandos que coñezas como a palma da man, pódente dar un sorprendente entendemento. Por exemplo, sabías que podes programar pàra rede con ‘awk’?
  • Resolve problemas. Como administrador de sistemas sempre estás resolvendo problemas, xa foran ccreados por ti ou por outras persoas. Isto chámase experiencia, e a experiencia faite mellor e máis eficiente.

Confío que a lo menos un destes trucos te axudaran a aprender algo que non sabías. Trucos esenciais coma estes fante máis eficiente e hanse engadir á túa experiencia pero, o máis importante, os trucos daranche máis tempo libre co que facer cousas máis interesantes, como xogar con videoxogos. E os mellores administradores son preguiceiros porque non lles gusta traballar. Eles atopan o camiño rápido para facer unha tarefa e rematala repidamente para poderen seguir cos seus pasatempos.

Estudo sobre a validez xurídica da licenza GPL v3 na contorna normativa española

vén de rematar e deixar para a súa descarga o estudo sobre a validez xurídica da licenza GPL v3 na contorna normativa española dos dereitos de autor e outras licenzas Opensource. É unha nova versión que actualiza a feita en xuño de 2007.

No ano 2006 xa publicaran unha primeira versión sobre a GPL 2 que actualizamos en decembro dese mesmo ano con motivo das modificacións introducidas na Lei de Propiedade Intelectual española. A versión sobre a GPL v2 podédela descargar nesta ligazón.

Ademais do estudo referido á versión 3 da GPL, nesta ocasión, o informe inclúe a partires da páxina 39 un resumo doutro tipo de licenzas opensource para que poidan verse as diferenzas e similitudes entre todas e ver as compatibilidades e incompatibilidades. Entre estas están as MPLBSDAfferoApacheCCDL, etc.

Diferenzas entre quen usa Ubuntu e Debian

Por se non imaxinas xa os resultados, velaquí unha tradución libre do artigo de Slashdot:

Vai  dunha

…ollada ás estadísticas dos proxectos Popularity Contest (n.d.r. deixo a ligazón ao README do arquivo colgado por Debian, idéntico ao colgado por Ubuntu)en Debian e Ubuntu. Estes proxectos rastrexan a baixada e actualización de quen usa as súas distribucións, revelando -ningunha sorpresa aquí- que os usuarios de Ubuntu semellan máis newbies cós de Debian. Os números revelan, por exemplo, que o 86% das máquinas Ubuntu empregan o controlador privativo NVidia, onde só acontece de xeito circunstancial nas máquinas Debian. Así mesmo, quen usa Debian é máis ecléctico na súa elección de software e das opcións que veñen por defecto. O artigo remata coa ollada aos límites que as conclusións poden debuxar de estadísticas como estas.

Podes instalar ese paquete para axudares á mellorar ás distribucións Debian/Ubuntu:

sudo apt-get install popularity-contest

A aplicación execútase periodicamente de xeito transparente ao usuario empregando o servizo cron.

Podes comparar os resultados en Ubuntu e Debian clicando nas ligazóns pertinentes.

xrandr, traballando con dous monitores (parte 2)

Meses atrás escribira un artigo contando a configuración que fixera para traballar con dous monitores á vez. Ata hoxe foime fantástico, sempre rulou e nunca trabucou. Porén, a raíz dun comentario reclamando unha interface gráfica e comprobando que o amigo Claudio xa emprega unha, decidín retomar a cuestión e facer unha pesquisa máis en profundidade.

Atopei un execelente documento wiki e outro de Debian así como unhas cantas aplicacións gráficas:

  • grandr (dispoñible nos repositorios Ubuntu),
  • ARandR (moi sinxelo e eficaz),
  • gnome-randr-applet (un engadido opcional que podes pór nun panel),
  • PyRandR (semella que con desenvolvemento paralizado desde 2006),
  • un mellorable displayconfig-gtk de Ubuntu (o seu autor advirte que o Xrandr da erros con algún hardware… porén, creo que segue sendo inestable a propia interface e pouco intuitivo)
  • e mailo URandR (interface python, aínda moi pouco desenvolvida, versión alpha).

Recomendo non facer probas co compiz activado. Creo que probar o grandr deixoume sen teclas maiúsculas (non activaba as shift) que puiden arranxar reiniciando compiz e mailo GTK-window-decorator.

Ten Windows portas traseiras?

Varias vías semellan confirmar que os produtos da multinacional de Redmon SI teñen portas traseiras (backdoors).

Vexamos uns exemplos. A Wikipedia ten unha entrada baixo o epígrafe NSAKEY, referente á variable _NSAKEY atopada en 1999 no Windows NT 4 SP 5. Nesa entrada chama a atención o resultado dun traballo de enxeñaría inversa tanto da clave primaria como da _NSAKEY despois chamada _KEY2. A pesares do troco de nome emailos desmentidos oficiais da multinacional, o resultado segue apuntando á NSA (National Security Agency dos EE.UU.), observa con coidado a diferenza dos correo-e, os dous baixo o nome ‘portmaster’ pero un con dominio microsoft.com e outro co dominio nsa.gov. Sobre estes preocupantes feitos afonda a BBC neste esclarecedor artigo e aínda máis contundente a alemá Heise.

En novembro de 2007 o prestixioso especialista en seguridade, Bruce Schneier, cuestiona a posibilidade de que a mesma NSA teña unha porta traseira secreta nun novo estándar de cifrado. En decembro dese mesmo ano Scheiner sinala que o xenerador de números aleatorios Dual_EC-DRBG foi engadido ao Windows Vista como parte do SP 1. Di que non está activado por defecto ao tempo que aconsella non activalo xamais polas razóns descritas no seu artigo de novembro.

Independentemente do teu grao de confianza en Micor$oft, o que semella evidente é a morea de riscos que calquera software pechado supón para a privacidade de quen o emprega.

ENGADIDO

Concordo totalmente con quen sinala en AGNIX que o CNI non ten capacidade real de auditar un sistema operativo. Só engadir uns dos 140 comentarios de /., principalmente este:

“…En cuanto al tema de la consulta del código fuente: Si no te permiten compilarlo tú mismo, y hacer un md5sum (o un diff, ya que estamos) entre el que tú has compilado y el que te han vendido,
¿cómo puedes estar seguro de que te están enseñando lo mismo?

este:

“…supongo que la NSA tendrá el mismo privilegio: ¿os imaginais la de agujeros de seguridad que habrán estado usando?

Os exemplos das backdoors que sinalan a Wkipedia ou Scheiner coinciden ademais en que son portas abertas nunhas poucas liñas de código. De seguro que caberían nunha porcentaxe ridícula do que supoñen o total de liñas de código, até menos dun 1%.

Haberá moito que falar de isto…

Eu penso que isto é unha consparanoia, dado que según teño entendido o código esta auditado polos paises onde se usa, non si?

Auditar código non é trivial

Eu lin moitas veces e en moitos lugares (sen probas) que a compilacion de Windows a fai a NSA (non o creo).

Por outra banda, e nate a crecente sospeita de que algo hai, algúns paises ocidentais accederon ao dereito de que os servizos secretos auditaran o código fonte de Windows (penso que España está entre eles). O problema é que auditar código non é trivial, fácil nin asumible, incluso sendo especialista. Dubido que o CNI (a Intelixencia Militar Española) teña tal capacidade.
Non hai mais que recordar o incidente coa xeneración de claves ssh ocorrido en Debian, Ubuntu e derivados, que mantivo un buraco de seguridade perigosísimo aberto aos ollos de todos os programadores do mundo durante meses sen que ninguén se percatara. E non debería haber código mais auditado que o software libre.

Persoalmente penso que Windows sempre tivo e sempre terá porta traseira.

Auditar código non é trivial nin suficiente

Concordo totalmente co de que o CNI non ten capacidade real de auditar un sistema operativo. Só engadir uns comentarios (principalmente este):

“…En cuanto al tema de la consulta del código fuente: Si no te permiten compilarlo tú mismo, y hacer un md5sum (o un diff, ya que estamos) entre el que tú has compilado y el que te han vendido,
¿cómo puedes estar seguro de que te están enseñando lo mismo?

Os exemplos das backdoors que sinalan a Wkipedia ou Scheiner coinciden en que son portas abertas nunhas poucas liñas de código. De seguro que caberían nunha porcentaxe ridícula do que supoñen o total de liñas de código, até menos dun 1%.

asennadas

Non sei, a verdade e que corporacións tan grandes que estan lavando a cara de forma continua xa non se sabe o que é verdade e o que é ficción. Por un lado non me extrañaria nada pero por outro quero pensar que o mundo non esta tan vendido como isto.
Sería grave, triste e preocupante.

White house is Copyleft

Parece que algo esta a cambiar simplemente chega con entrar nesta páxina da White House e tópamos con isto… “Except where otherwise noted, third-party content on this site is licensed under a Creative Commons Attribution 3.0 License.”

Veremos como continúa a cousa.

Non me vai a ligazón

Pois a min si que me foi a web. Que gusto lela! Hmmmm…!

Raro que a ti non te fora… non estará o Ghillermo Portas facendo das súas? Agora que se lle foi o seu presi favorito… (Hai que lembrar que un dos maiores apoios nas campañas de Bush era Hasecorp, por algo gañaron, de facto, os xuízos antimonopolio nos EUA).

Por certo: deume a curiosidade de ver que licenza ten a páxina da Moncloa, onde vive un admirador de Obama, Barak. Non hai licenza esplícita, mais a miña sorpresa foi ver que aínda son máis permisivos do que son os da White House! Di así:

——————————–

www.la-moncloa.es es un dominio en internet de la titularidad del Ministerio de la Presidencia (CIF S-2811001-C). Complejo de la Moncloa. 28071 Madrid. Tfno.: 91.321.4000.

Los contenidos, organización y elección de enlaces de las páginas de la-moncloa.es han sido seleccionados y/o coordinados por la Secretaría de Estado de Comunicación del Ministerio de Presidencia. Esta información puede ser utilizada en parte o en su integridad sin necesidad de citar fuentes.

Este portal está optimizado para los navegadores M.S. Internet Explorer 5.0, Netscape 6.0 y Mozilla 1.1 o versiones superiores de los mismos. La resolución mínima recomendada es de 800×600.

————————————

Podedes comprobalo pinchando aquí.

Ubuntu 10.04 -is here!!-

Xa podes descargar a flamante e nova versión de Ubuntu, neste caso a denominada 10.04 LTS tamén coñecida como Lucid Lynx.  Para descargar a versión de escritorio podes facelo dende aquí (web oficial de Ubuntu), podendo escoller entre 32bits e 64bits.

Así mesmo podes descargar a vesión para notebooks denomidada Netbook Edition para descargala podes facelo dende aquí.

Por último tamén podes descargar a versión para servidores denominada Ubuntu Server e de igual forma para descargala podes facelo dende aquí.

Por outra banda se prefires instalar algunha das versións derivadas de Ubuntu como pode ser Kubuntu (Ubuntu+KDE), Xubuntu (Ubuntu+XFCE), Edubuntu, Ubuntu para ARM, Ubuntu MID Edition podes facelo dende aquí escollendo a versión derivada que che interesa, concretamente para descargar Kubuntu este é o enlace.

Pois agora só queda instalalo e empezar a disfrutar do sistema operativo do futuro no presente. A libertade tecnolóxica está a un só ‘click’ de rato.

50 exemplos do éxito de GNU/Linux

A empresa de investigación de negocios e medios Focus publicou unha lista de 50 sitios que usan GNU/Linux no canto de Mac ou Windows. Algúns non son tan descoñecidos, pero outros sorprenden. Ademais, hai para todos os gustos: organismos gobernamentais de todo o mundo, consumidores comúns, empresas e institucións educativas. ¿Será un sinal de que o mercado de sistemas operativos está a empezar a cambiar? Quizá non é para tanto, pero polo menos é un bo comezo.

departamento de defensa de Estados Unidos:

Dise que é a ‘maior base única instalada de Red Hat Linux’ do mundo. E foi unha elección consciente. Como explica o brigadier xeral Nick Justice, funcionario a cargo, ‘o software de código aberto é parte da rede integrada que conecta o noso sistema de comando e control e permítelle funcionar con efectividade, dado que hai vidas humanas dependendo del’.

frota de submarinos nucleares de EEUU:

Tamén usa GNU/Linux, como revelou FreeSoftwareMagazine.com.

A cidade de Munich, Alemaña:

Migrou 14 mil equipos de escritorio a Debian, que foi elixida por custo e polas súas posibilidades de customización.

En España:

O goberno de Estremadura non só usa GNU/Linux, senón que ten a súa propia distribución: LinEx, baseada en Debian e con GNOME. Así mesmo outras comunidades como Andalucia, Galicia, Madrí, Castilla la Mancha…, teñen as súas propias versión de GNU/Linux.

administración Federal de Aviación, EEUU:

Anunciou en 2006 a súa migración a Red Hat Enterprise Linux, dicindo que lle levou un terzo do tempo previsto e fíxolle aforrar 15 millóns de dólares.

Parlamento francés:

Optou por migrar a Ubuntu en novembro de 2006, tanto por custos como por superioridade tecnolóxica.

Banco estatal Industrial e Comercial de China:

O maior banco do país asiático implementó GNU/Linux en 2005, no seu 20 mil sucursais comerciantes polo miúdo.

As escolas e facultades paquistanís:

En 2002, o goberno de Paquistán lanzou unha Unidade de Mobilización de Recursos Tecnolóxicos para promover a difusión do software open source no país. Como resultado, a maioría das institucións educativas úsano alí, sobre todo por unha cuestión de custos.

En Cuba:

O país centroamericano ten a súa propia distro, chamada Nova, usada para substituír Windows desde febreiro de 2009. Segundo a publicación Caribbean Net News, a razón principal non foron os custos nin a robustez, senón que o consideran a última fronte na batalla contra a hexemonía de Estados Unidos.

ministerio de Educación e Ciencia de Macedonia:

En novembro de 2007, Ubuntu comunicou que cada estudante macedonio usaría equipos coa súa plataforma como parte dun proxecto do goberno.

servizo postal de EEUU:

Un ejempo de alguén que adoitaba ser leal a Windows, pero migró por razóns puramente técnicas. Foi en servidores ao longo de todo o país.

As cortes federais de EEUU:

Úsano desde 2003 para as tarefas administrativas, como rastrexo de casos, xestión, finanzas e contabilidade.

goberno de cidade de México:

Cara ao 2001 decidiu deixar de gastar en licenzas de Windows e, segundo palabras do coordinador técnico da migración, José Barberán, ‘usar o diñeiro para programas de benestar social’.

goberno da cidade de Garden Grove, California:

Foi un proxecto pioneiro, xa que data de 1995. A razón principal foi o custo.

goberno da cidade de Longo, Florida:

Concretamente, úsao en terminais informáticas que van arriba dos automóbiles policiais.

correo Checo:

O servizo postal da república Checa usa SuSe desde 2005 en 4000 servidores situados en 3400 oficinas ao longo do país, así como en 12 mil terminais cliente utilizadas por 20 mil empregados.

As escolas rusas:

En 2007, Rusia anunciou que todas as súas escolas usarían GNU/Linux, para evitar que usen copias non autorizadas de Windows.

As universidades alemás:

Desde 2007, un 600 mil estudantes alemáns de 33 universidades están soportados por sistemas de Novell SuSe Linux Enterprise Desktop. Foi elixido porque se considerou unha arquitectura máis flexible que as propietarias.

Nas Filipinas:

Usa Ubuntu e Fedora nas escolas desde 1997, debido aos menores custos de instalación e mantemento.

En Xeorxia:

O antigo estado soviético usa Kubuntu, Ubuntu e Fedora desde 2004 nas súas escolas.

estado hindú de Tamil Nadu:

Debido á súa oposición á política de bundling de Microsoft, este goberno decidiu distribuír aos estudantes 100 mil portátiles con Linux.

As escolas suízas:

En setembro de 2008, o distrito suízo de Geneva converteu 9000 das súas computadoras a Linux.

En Bolzano, Italia:

En 2005 migrou a GNU/Linux nas súas escolas.

En Kerela, India:

Desde setembro de 2006, 1,5 millóns de estudantes xa non usan Windows e só usan software libre.

One Laptop Per Child

Usa Linux no seu OLPC XO-1, distribuída a millóns de nenos do mundo.

Nas escolas de Indiana, EEUU:

Mediante un programa estatal, 20 mil estudantes migraron a GNU/Linux a partir de agosto de 2006.

En Novell:

Anunciou en 2006 que toda a compañía migraría de Windows a GNU/Linux. Trátase dunha gran migración, considerando o tamaño da empresa.

En Google:

O cluster de servidores usado por Google corre baixo unha versión customizada de Ubuntu á que denomina ‘Goobuntu’.

En IBM:

Ademais de traballar moito no desenvolvemento de Linux, IBM úsao internamente en moitos escritorios e servidores.

En Panasonic:

O xigante da electrónica deixou de usar NT porque xa non servía ás súas necesidades de correo de voz. E, dado o custo da renovación de licenzas, decidiu pór aos seus enxeñeiros a desenvolver o seu propio sistema baseado en Linux.

En Virgin America:

Esta aerolínea norteamericana de baixo custo usa Linux para o seu sistema de entretemento en voo, que funciona con Red Hat e Fedora.

En Cisco:

O vendor de networking migró a GNU/Linux para os seus servidores debido a que no seu momento a impresión en rede non lle funcionaba ben con NT.

En ConocoPhillips:

Usa GNU/Linux para o seu masivo cluster de servidores, que exploran a terra para atopar novas fontes de petróleo.

En Omaha Steaks:

Este vendedor por catálogo de cortes de carne pasouse a GNU/Linux en 2001 para os seus servidores, logo de vir usando IBM AS/400.

En Amazon:

A libraría online usa GNU/Linux case en todos os aspectos do seu negocio, e comezou a utilizalo no 2000.

En Peugeot:

En 2007 anunciou que instalaría 20 mil copias de Novell Desktop Linux e 2500 de SuSe Linux Enterprise Server.

Na Wikipedia:

A enciclopedia online migró 400 servidores a Ubuntu en 2008, logo de usar Red Hat e Fedora.

Na bolsa de New York:

Usa Red Hat Enterprise Linux para a súa plataforma de compravenda de accións.

En Burlington Coat Factory:

É unha tenda estadoinidense con 280 sucursais, e usa GNU/Linux nos seus centros de distribución e nalgunhas das súas tendas.

En Raymour and Flannigan:

É unha distribuidora de mobles de Estados Unidos, e migró os seus servidores a Linux en 2002.

En Tommy Hilfiger:

É un magnate da moda que elixiu GNU/Linux para a súa infraestrutura de e-business.

En Toyota Motor:

Usa GNU/Linux para conectar concesionarias de autos coas fábricas.

En Travelocity:

Usa GNU/Linux nos seus servidores para mellorar a flexibilidade e diminuír o tempo de chegada dos seus produtos ao mercado.

OS Netbooks:

Aínda que adoitan venderse con Windows pre instalado, tamén existen con Xandros, Linpus ou Ubuntu.

En Dell:

Dell e outros fabricantes venden algúns equipos portátiles e de escritorio con Ubuntu e outras distribucións.

No CERN:

Usa GNU/Linux para aplicacións masivas de misión crítica, como o manexo do gran colisionador de hadrones que custou 10 mil millóns de dólares.

No Internet Arquive:

Este sitio, que ofrece a posibilidade de ver versións vellas doutros sitios web, usa unha multitude de servidores x86 baixo GNU/Linux.

En ASV Roboat:

É unha embarcación que colleita datos sobre a poboación de baleas no Pacífico. Usa Linux porque lle permite investigar grandes áreas xeográficas por longos períodos e a baixo custo.

IBM iDataPlex de Toronto:

A maior supercomputadora de Canadá, que pode facer máis de 300 billóns de cálculos por segundo tamén usa Linux.

Engadidos:

Na Formula ONE:

Diversas escuadras que forman o circo están a optar polo uso de clusters montados con GNU/linux para facer correr sobre todo software de dinámica de fluídos, co que a menor custo pódense tanto obter resultados que doutra forma habería que conseguir co túnel de vento, como avaliar os datos ofrecidos polo propio túnel.

Na NASA:

A supercomputadora -Columbia- ten tecnoloxía NUMAlink e sistema operacional ProPack Linux para conectar os 512 nodes de procesador, cada un con máis de 1.000 GB de memoria

Nos estudos cinematográficos:

Avatar, a película máis recente de James Cameron, sorprendeunos polos seus espectaculares efectos especiais. O que a xente non sabe é que todo isto foi desenvolvido con 40.000 procesadores e 104 Terabytes de RAM en máis de 4.000 servidores con GNU/Linux.

—-

Suma e segue… de seguro que ti coñeces outros exemplos do uso de GNU/Linux dado que este só é un pequeno exemplo de como este sistema operativo esta a influir nas nosas vidas, e sen dúbida que nun futuro dito sistema será ainda máis influinte grazas a unha comunidade que non para de medrar día tras día.

Sempre é bo enumerar…

… todos os casos de éxito. O proceso é lento pero, á vez, coido que inevitable. Agás, claro está, que un cambio brusco na tecnoloxía e mercado acontezan.

Así, maila ser traducido co Opentrad, grazas Tonio 😉

Claro que me gusta!

Debín expresarme mal. Refiríame a “maila ser tradución automática” etc e tal… Todo a prol do OpenTrad, conste 🙂

Pois a pelo vainto traducir…

home pois a pelo ‘vaino traducir Rita da retorta!!!’ 😀

OpenTrad esta moi ben. Sen dúbida é un bo exemplo de como non fai falla ser unha gran multinacional para facer un traballo excelente.

Código aberto e M$…

…nunha mesma frase?¿?¿?¿?¿?¿??¿
Non creo que moitos na comunidade descoñezan a traxectoria “aperturista” de M$ e que, por tanto, pensen que calquera tecnoloxía supostamente aberta que veña déles, non veña cunha trampa detrás.
Non nos esquezamos do $ que (calquera de nos sabe que) vai implícito no seu nome. (E con esto non quero dicir que sexa malo gañar cartos co software libre, pero sí facelo “a la M$”).

Máis de 10 erros que cometen os novatos en Linux

  1. Pensar que usan windows
  2. Intentar facer que funcionen os arquivos .exe
  3. Elixir unha distribución equivocada
  4. Non atopar software
  5. Enviar documentos de OpenOffice aos usuarios de M$ Office
  6. Evitar a liña de comandos
  7. Rendirse demasiado pronto
  8. Pensar que a xerarquía de directorios de Linux e a mesma que a de Windows
  9. Non facer todas as actualizacións
  10. Entrar como root
  11. Non atopar ventanas que porque se foron a outro escritorio
  12. Ignorar a seguridade porque é Linux

Ainda que algúns poidan non parecer moi serios, todos teñen o seu razonamento. Pódelos ver (en inglés) no artigo orixinal en TechRepublic.

Microsoft presiona para descartar Linux na e-escolinha

Microsoft non quere que o Magalhães, o portátil distribuído nas e-escolinhas (programa de escola 2.0 en Portugal) teña dual-boot, tendo feito presións para que o computador se inicie automaticamente con o Window$, revelou Paulo Trezentos, director técnico da Caixa Mágica, na sua audición perante a Comisión eventual de enquisas a ‘Fundação das Comunicações Móveis’; “Microsoft utilizou toda a espécie de pressões para que o Windows iniciasse automaticamente, mas tanto o Ministério da Educação como a JP Sá Couto conseguiram” evitar essa limitação.

Ogg Theora perde outro combate frente a H.264

A polémica entre o uso de formatos de vídeo abertos para HTML5 nos navegadores volve á actualidade tras a recente aparición da primeira edición preliminar do novo navegador de M$, que aposta por H.264, o formato propietario que tamén foi elixido por Google Chrome e Apple Safari. Parece que o formato Ogg Theora que fora, promocionado por Firefox non ten demasiado futuro tras a decisión de M$, que podería supor o fin desa batalla.

A chegada do estándar HTML5 aos navegadores -aínda que devandito estándar aínda non está completo- está a sentar as bases do futuro do vídeo en Internet: a posibilidade de integrar contidos deste tipo sen necesidade de tecnoloxías adicionais como Flash ou Silverlight é un elemento moi importante para todo tipo de portais e sitios web, pero tamén para o mercado dos navegadores.

Mozilla tratou de impulsar o uso do formato aberto Ogg Theora para a súa integración en vídeos baixo o estándar HTML5, pero tanto Google Chrome como Safari apostaron nas súas últimas edicións por dar soporte ao formato H.264, xa que en ambos os casos pagouse a licenza de uso.

Lanzamento da distro Trisquel 3.5 Awen

Trisquel GNU/Linux 3.5, nome en clave Awen está lista. Esta nova versión baseámola en Ubuntu 9.10, é por suposto totalmente libre, e inclúe máis aplicacións, mellor soporte multimedia, máis traduccións e unha configuración máis rápida. Nesta edición empregamos o sistema de ficheiros Ext4 para a partición raíz, e XFS para a dos usuarios, obtendo un bo equilibrio entre velocidade e usabilidade. Algunhas das novas características máis destacadas son o menor tempo para o arrinque e a función para cifrar o directorio persoal.

java 4-ever

Os días 8 e 9 de setembro celébrase o JavaZone 2010 en Oslo. Ainda que non vos cadre estar por alí nesas datas, non vos perdades o “trailer” 😉

Engadir novo comentario.

Bo apunte!

Un enlace intersante e gracioso ao mesmo tempo.

Boísimo

Certo, non esperaba unha trama tan directa 🙂

Brenlla

España, gran protagonista no uso de licenzas Creative Commons

España encabeza a lista de países que rexistran creacións mediante este tipo de licenza aberta, Creative Commons, en todas as súas variantes. España queda así como exemplo a seguir polo resto de países do Mundo. As licenzas Creactive Commons (CC) teñen como obxectivo avogar pola liberdade e non cinguirse á establecida intolerancia do Copyright. Si un usuario quere compartir a súa obra ten un modelo CC ao seu alcance que lle permita facelo exactamente tal e como queira.

As licenzas CC (Creative Commons) están presentes en multitude de sitios web recoñecidos, exemplo deles son Wikipedia, Jamendo ou Flickr. Nos datos xerais de Creative Commons, existen 257 millóns de licenzas CC dos cales España lidera a asignación con máis de 10 millóns de obras rexistradas.

Sigue lendo a nova, aquí.

Nova traducida por OpenTrad.

Probando Ubuntu 10.04 LTS Beta 1

Estas vacacións de Semana Santa estiven un ratiño probando a versión Beta 1 da próxima Ubuntu 10.04 LTS “Lucid Lynx”.

Gostoume a nova versión do Cliente de microblogging Gwibber, moito máis útil e pulido que a da actual Ubuntu 9.10. Admite, entre outros, FlickrTwitter e Facebook.

Unha cousa que non me gostou nada é a de levar as iconas de minimización, maximización e peche de ventás de Gnome á esquerda, cando levan “toda a vida” á dereita. Penso que é moi mala idea, pois a imensa maioría de usuarios están acostumados a velas á dereita. Como moito, que as deixen á dereita por omisión, e que dean a posibilidade de poñelas á esquerda a través do habitual Sistema -> Preferencias -> Apariencia.

Mentres non o fagan, podes poñelas á dereita executando nun terminal:

gconftool-2 –set “/apps/metacity/general/button_layout” –type string “menu:minimize,maximize,close”

Se as queres á esquerda de novo, abonda con facer:

gconftool-2 –set “/apps/metacity/general/button_layout” –type string “minimize,maximize,close”

Alternativamente (xeito gráfico), podes executar, nun terminal:

gconf-editor

Alí, vai a apps -> metacity -> general -> button_layout

e pon menu:minimize,maximize,close (no caso de que queiras as iconas á dereita).

Os ‘:’ indican que o que hai antes deles vai á esquerda, e o que hai despois á dereita. A parte de ‘menu’, ‘minimize’, ‘maximize’ e ‘close’ temos tamén ‘spacer’, que nos permite poñer un espazo adicional entre botóns. Exemplo: menu:minimize,maximize,spacer,close

20 anos do kernel LINUX

Video-celebración do vinte aniversario do kernel máis famoso e máis potente xamais creado. Sexa quizais a maior obra de enxeniería informática realizada polo ser humano, tornandose nunha mostra clara do poder de traballar en comunidade, pertencéndonos a todos malia non ser de ninguén.

Desde agnix.org felicitamos a toda esa inmensa comunidade que fan posible que LINUX siga sendo posible.

Drupal & Viño

O vindeiro venres 2 de setembro organízase en Vigo, o primeiro Drupal & Viño.

Falarase de DrupalCamp en Sevilla, presentar unha candidatura para facer unha DrupalCamp en Galicia, preparar actividades para o ano que ven, Drupal 6 ou 7 que versión usar?
O evento é aberto a profesionais, afecionad@s e curios@s.

Por volta das 18,30 en algunha terraza aínda por decidir.

drupal_vinho

Celebra «o comezo do século do Software Libre» 11-11-11

Un grupo de persoas e organizacións de distintos países estan unindose para organizar unha celebración o día 11 de Novembro de 2011. A data dese día será a última data binaria deste século, 11/11/11 sendo a próxima data do seu estilo o 01/01/00 (ou 010100) no ano 2100.

Para facer honra ao gracioso que resultará ese día no calendario, decidimos facer unha reunión ese día, non para celebrar esta ‘última’ data binaria senón pola contra usando esa escusa numérica para celebrar ‘o comezo do século do Software Libre‘. Aínda que é unha celebración simbólica, non podemos perder a oportunidade de compartir este encontro sen dúbida único e que servirá para potenciar e buscar puntos comúns entre as comunidades para o impulso e desenvolvo iniciativas, difundir avances e sumar esforzos ao redor do Software Libre, expresión dunha cultura solidaria, liberadora e comprometida coa defensa dos valores éticos e liberdades fundamentais na tecnoloxía, así como o dereito de todas e todos para a apropiación social do coñecemento, a solidariedade social e o principio fundamental de poder compartir.

Ese día reunirémonos un grupo de persoas de distintas comunidades en diferentes partes do mundo para celebrar o comezo do século do Software Libre, agora (e desde hai tempo xa) cando as distribucións de GNU/Linux sen compoñentes privativos pódese usar para facer toda a nosa computación diaria, con poucas excepcións que coa axuda de todas e todos algunha vez alcanzaremos a eliminar na nosa sociedade científica e tecnolóxica que non necesita sistemas de dependencia e dominación, senón modelos novos de desenvolvemento, creatividade e posibilidades para potenciar os talentos dos nosos países.

Tamén servirá ese día para persuadir e convencer a moito máis persoas e gobernos a que se comprometan coa adopción das tecnoloxías de información libres, e a que brinden un apoio máis sostido aos activistas, desarrolladores, colectivos, organizacións sociais e comunidades do software libre no mundo, porque ‘Outro Software é posible e é Libre’ .

Xa moitos colectivos están a facelos para ese 11-11-11, esperamos que moitos máis acompañen esta celebración de forma libre e creativa nas redes sociais, canles IRC, listas, radios e medios alternativos e comunitarios, blogs e toda forma de comunicación.

O 111111, vive a liberdade de ser, crear, coñecer e compartir ‘Non faltes á cita’ Esperámoste!

Agnix Returns

¡¡Por fin estamos de volta!!

Pois si, en agnix estamos de noraboa porque de novo agnix.org volta a estar funcionando.

Foron diversas as causas que provocaron que a web da asociación estivese off-line todo este tempo, un cambio de hosting, un cambio na plataforma, un cambio no CMS, unha restructuración interna coa creación dun ‘grupo de traballo web’ estable, grupo de asesoramento e consulta, etc, etc, etc…

Afortunadamente, agnix é moito máis que unha web, os membros da asociación todo este tempo que a páxina estivo caida seguimos traballando a prol do software libre, facendo camiño para que a sociedade do coñecemento deixe de ser unha utopía e se convirta nunha realidade.

Nesta nova etapa, a nosa web servirá principalmente para dar a coñecer as diversas actividades que leva acabo a asociación, así como para poñer en relieve aquelas novas mais salientables dentro do universo FLOSS.

Antes de rematar o artigo, quero agradecer en nome de tod@s @s soci@s de agnix o excelente e colosal traballo feito polo ‘grupo de traballo web’ formado principalmente por Victor, Amador e Alberto, ¡¡¡¡Mil grazas compañeiros!!!! .

Seguimos en pé, seguimos loitando con máis forza, somos máis, estamos de volta e viñemos para quedarnos…

OpenOffice.org vs. LibreOffice, estratexias e demais

A que semella ser unha longa telenovela só apta para estrategas tivo un capítulo estelar o pasado primeiro de xuño co anuncio da ‘contribución‘ de Oracle. Coa ‘doazón‘ de OpenOffice.org á Fundación Apache (ASF, Apache Software Foundation) Oracle pretende que (por fin!) a comunidade vexa nela unha «demostración do seu compromiso coas comunidades de desenvolvemento e código aberto«. Será? Nen tanto pois hai quen di que doar algo no que a comunidade participou activamente durante anos pode ser legal pero ten pouco de moralidade.images

A xogada admite moitos puntos de vista e xera diversas controversias. A primeira delas pode ser a evidencia do contundente erro de Oracle ao crer que mercando Sun Microsystems compraba tamén á súa comunidade. Nada máis lonxe! A resposta foi exemplar e chámase LibreOffice, a derivación (fork) do OOo organizada ao redor da The Document Foundation, constituíndose esta última grazas a unha masiva e cuantiosa doazón económica de miles de persoas e entidades.images (2)

A ASF, pola súa banda, ten experiencia promovendo proxectos abertos e fomentando a implicación no seu desenvolvemento. Paga a pena lembrar que IBM foi quen liderou vía mecenado o nacemento da ASF e está publicamente contenta coa operación, obvio.

A doazón tamén leva consigo un troco da licenza xeral do OOo cara a EPL (Licenza Pública Eclipse), máis favorable a proxectos emprersariais pechados. Isto, segundo a TDF (The Document Foundation), permitirá que o proxecto LibO mova enteiramente o seu código a licenzas do tipo MPLv2 ou LGPLv3+ xa que as licenzas Apache admiten tal compatibilidade. Porén cabe sinalar que a EPL 1.0 non é compatible coa GPL.

E agora? Por que Oracle non deu ese paso xa de entrada? Sería dabondo para evitar o nacemento de LibreOffice? Estanse convertindo as fundacións en partes esenciais nas estratexias empresariais no eido FLOSS? Moito do que falar…

TFD remarca no seu comunicado sobre este tema que ela está «gobernada por unha comunidade aberta e meritocrática«. E xustamente aquí é onde se atopa, ao meu entender, a diferenza entre quen entende e vive o Software Libre e quen só quere tomar posicións de mercado.

A medio camiño entre TDF e as xogadas estratéxicas empresariais puras que empregan fundacións para «demostrar o seu compromiso» poño á Fundación Google, máis filantrópica e, dende hai anos, máis ampliamente comprometida co desenvolvemento aberto. A última proba, unha nova liberación de código, desta vez o WebRTC. Liberación que posibilitará o desenvolvemento de aplicativos para chats de voz e video a través de sinxelas APIs en HTML e JavaScript. Claro, nesta oportuna xogada Google tamén está combatendo a recente venda de Skype e demostrando que entende o modelo de negocio do SwL mentras nada nun mar de quenllas…

Remato. Na telenovela hai outro protagonista, algo esquecido e agochado pero triunfador, o estándar ODF. Sexa calquera destas (e outras) aplcacións ofimáticas a elixida, o seu formato será o estándar ODF.

images (1)

INTECO crackeado!!

Onte ao abrir o correo electrónico encontrome cunha mensaxe de INTECO onde estou realizando un curso de programación aplicacións para o DNI-e. O motivo do correo electrónico é que a web do Instituto Nacional de Tecnoloxía foi crackeada, producindose un roubo de información de datos dos seus usuarios.

A mensaxe é a seguinte:

Estimado/a usuario/a:

Nos ponemos en contacto con usted para comunicarle que INTECO ha sufrido un incidente de seguridad que ha provocado una sustracción de datos de información personal de la base de datos de usuarios de nuestra plataforma de formación en línea. Los datos que han sido robados son aquellos que nos facilitó usted durante el proceso de registro, entre los que pueden estar:

– Nombre y apellidos.
– Número de teléfono.
– DNI.
– Correo electrónico.

Hemos procedido a bloquear el acceso a la plataforma de formación hasta que el problema haya sido resuelto y se pueda garantizar su seguridad. Le informaremos tan pronto se reanude el servicio de modo que pueda continuar con su actividad formativa.

Existe el riesgo de que la información sustraída pudiera ser empleada con fines maliciosos. Por ese motivo, le recomendamos que siga los siguientes consejos de seguridad:

1. Desde INTECO nunca se le solicitará información de carácter personal por correo electrónico o teléfono. No responda a ninguna petición de información de estas características.
2. No haga clic en enlaces incluidos en mensajes de correo electrónico, mensajes SMS o MMS cuyo origen no sea confiable.
3. Mantenga su equipo adecuadamente protegido con aplicaciones de seguridad y debidamente actualizado con los parches recomendados por el fabricante.
4. Ante cualquier duda, póngase en contacto con INTECO en la dirección de correo incidencias@cert.inteco.es
Desde INTECO queremos pedirle disculpas por los inconvenientes causados y nos ponemos a su disposición para resolver cualquier duda que pueda surgirle.

Reciba un cordial saludo.

Estou seguro que tanto os programadores da web como os administradores de sistemas levan uns dias un tanto animados…

En fin, que ‘nada é seguro’ pouco a pouco vaise convertindo nunha tautoloxía.

Ollo non confundir Crackers con Hackers.

Máis información na propia web de INTECO.